2020.04.23

Ж.Ганбаатар: Эдийн засгийн асуудлуудыг тодорхой оруулж өгөх хэрэгтэй

УИХ-ын чуулганы өнөөдрийн \2020.04.23\ нэгдсэн хуралдаанаар Коронавируст халдвар (COVID-19)-ын цар тахлаас урьдчилан сэргийлэх, тэмцэх тухай болон холбогдох бусад хуулийн төслийг хэлэлцэж байна. 

Энэ үеэр УИХ-ын гишүүн Ж.Ганбаатар: 

Нэлээд олон салбарын аж ахуй нэгжүүдийн үйл ажиллагаа зогссон байгаа. Дэлхийн улсууд хэсэгчилсэн хорио цээрийн хугацааг  сараас хэтрүүлэхгүй байна. Аливаа хөл хориог тогтоохдоо та нэг сар гэртээ бай нэг сарын хугацаанд ийм ийм эдийн засгийн боломжийг хангаж өгнө гэдэг. Монгол улсад 3 сарын хугацаанд хэсэгчилсэн хорио цээр тогтоосон. Эдийн засагтай холбоотой асуудал маш бага тусгагдсан. Иргэд 3 сар гэртээ хорионд байгаа бүхнээ барсан. Цаашид яах вэ? Эдийн засгийн асуудлуудыг тодорхой оруулж өгөх хэрэгтэй. 

Түүний асуултанд УИХ-ын гишүүн Ж.Энхбаяр хариуллаа.