Чингэлтэй дүүргийн 9 дүгээр хороонд 43 дугаар цэцэрлэгт Нэмэлт бүлэг байгуулан 2015 оны 12 дугаар сарын 25-нд хүлээж авлаа.

Нэмэлт бүлгийн нээлтэд дүүргийн Иргэдийн Төлөөлөгчдийн Хурлын дарга Д.Бат-Эрдэнэ, Засаг дарга Д.Ганболд, Засаг даргын Хөдөлмөр эрхлэлт нийгмийн хөгжлийн асуудал хариуцсан орлогч Ж.Лхагвасүрэн, Байгаль орчин, ногоон хөгжлийн асуудал хариуцсан орлогч Б.Батхуяг, ИТХ-ын Ажлын албаны дарга Алтанцацрал, Засаг даргын Тамгын газрын дарга Ж.Эрдэнэбат, алба, хэлтсийн дарга нар, хороодын ИНХ-ын болон Засаг дарга нар, эцэг, эхчүүдийн төлөөлөл оролцов.

9 дүгээр хорооны иргэдийн саналыг үндэслэн Орон нутгийн хөгжлийн сангийн хөрөнгө оруулалтаар 43 дугаар цэцэрлэг дээр Нэмэлт бүлэг байгуулах ажлын гүйцэтгэгчээр Монгол-Германы хамтарсан “ИзоХаус” компани ажиллаж Канад технологиор гүйцэтгэсэн байна. Нэмэлт бүлэгт 100 хүүхэд хүлээн авах юм.