“Ховд аймаг-Монгол Улсын хөгжлийн баруун үүд” сэдэвт хэлэлцүүлэг , Төрийн ордонд өнгөрөгч долоо хоногт зохион байгуулагдлаа.

Тус хэлэлцүүлэгт УИХ-ын гишүүн С.Бямбацогт, Д.Батцогт, Д.Дэмбэрэл болон Ховд аймгийн удирдлагууд, тус аймагт ажиллаж амьдарч байсан уугуул иргэд оролцож тус аймгийн хөгжлийн талаар санал солилцож хэлэлцүүлэг өрнүүлсэн юм. Ховд аймгийн хөгжлийн гарцыг эрчимжсэн мал аж ахуй, аялал жуулчлал, хариуцлагатай уул уурхай хэмээн тодорхойлж энэ талаар аймгийн удирдлагууд танилцууллаа.