Эрүүл мэнд спортын яамны сайд Г.Шийлэгдамба
2015.06.15
АНУ-ын “Гилейд сайнсес инк” компанитай санамж бичигт гарын үсэг зурлаа
Eagle телевизийн “Зочны ярилцлагын цагт” Эрүүл мэнд спортын яамны сайд Г.Шийлэгдамба оролцож цаг үеийн асуудлаар ярилцлаа.
Энэ өдрүүдэд эмийн төсөв, Харвони эм гэх мэт маш олон сэдвүүд эрүүл мэндийн яам дээр ихээр яригдлаа.Өнөөдрийн тантай ярилцах сэдэв бол элэгний С вирусыг устгах, Харвони эмийг Монголд оруулж ирэх сайхан үйл ажиллагаа боллоо. Мөн Санамж бичигт гарын үсэг зурлаа. Иргэд тун хүлээлттэй байх шиг байна ?
Тийм. Мэдээж элэгний өвчлөлөөс шалтгаалсан нас баралт бол Монгол улсын хувьд бол эрүүл мэндийн салбарын хамгийн гол тулгамдсан асуудал болоод байна. нийт нас баралтынхаа тоо хэмжээгээр авч үзэхэд 10000 хүнд ноогдож байгаа нас баралтын тоогоороо дэлхийд тэргүүлж байна.
