УИХ-ын гишүүн О.Саранчулуун Монгол-Германы Парламентын бүлгийн гишүүний хувьд 2 орны хамтын ажиллагааны хүрээнд Ханнс-Зайделийн сангийн тэргүүн Феликс Гленктэй уулзлаа.

Уулзалтын гол зорилго нь хөгжлийн бэрхшээлийн чиглэлээр урт хугацааны, үр дүн хэмжигдэхүйц төсөл дээр хамтран ажиллах санал солилцлоо. Энэ нь Герман улсын хүний эрхэд суурилсан, хөгжлийн бэрхшээлтэй иргэдийнхээ эрхийг эрхэмлэсэн олон сайн туршлагыг улсдаа бодлогын хүрээнд хэрэгжүүлэх хүлээлттэй байгаа төсөл юм.

Тус сан нь олон оронд боловсрол, тогтвортой хөгжил, иргэний нийгмийн хөгжил, залуучуудын оролцоог дэмжин ажилладаг. Монгол улсад 1990-ээд оноос эхлэн хууль эрх зүй, төрийн удирдлага, байгаль орчны чиглэлээр олон төсөл хамтран хэрэгжүүлж байгаа билээ.