Мишээл Байгаль орчин, танин мэдэхүйн хүрээлэнгийн нээлтийн үйл ажиллагаа /2021.06.12/-ны өдөр боллоо.

Туул гол дагуу 110,000 м2 талбайд тохижилт хийсэн энэхүү хүрээлэн нь Монгол Улсад нэн ховордсон ургамлыг нутагшуулах, тарих, дахин сэргээх үндсэн зорилготой бөгөөд тус хүрээлэнд:

• Ахмадын чөлөөт цаг өнгөрөөх хэсэг,
• Волейболын талбай,
• Сагсан бөмбөгийн талбай,
• Цэцгийн мандал,
• Цөөрмийн эргийн тавцан,
• Хүүхдийн тоглоомын талбай гурван хэсэгт,
• Голын эргийн тавцан,
• Алсыг харах цамхаг,
• Шинээр тарьсан ховор ургамлуудын хэсэг,
• Түр амрах хэсгүүд бий.

Хүрээлэн байгуулах санаачилгыг “Мишээл групп” ХХК нийгмийн хариуцлагын хүрээнд гарган, дүүргийн ЗДТГ, 20-р хорооны удирдлагууд болон холбогдох төрийн байгууллагуудтай хамтран зохион байгуулсан юм.

Ийнхүү төр, хувийн хэвшлийн хамтын ажиллагааны үр дүнд Хан-Уул дүүрэгт иргэдийн чөлөөт цагаа өнгөрүүлэх ногоон орчин дахин нэгээр нэмэгдэж, ЭКО дүүргийн өнгө төрхөө хадгалж өргөжүүлсээр байгаад бахархалтай байна хэмээн УИХ-ын гишүүн Г.Амартүвшин өөрийн цахим хуудаснаа бичсэн байна.

Сэтгүүлч

Сэтгүүлч Ц.Соёлмаа soyolmaa@vip76.mn