Бид бол хэл, өв соёл, үнэт зүйл, их түүх, зан заншил, газар нутагтай үнэ цэнэтэй зүйлтэй, хэний ч өмнө нүүр бардам алхах эх орны хүүхдүүд. Тэр хэн нэгний зохиосон тоглоомын өөдөөс тулж зогсох цор ганц итгэл үнэмшил бол бидний Монгол гэсэн оюун санааны дархлаа, үндэсний үнэ цэнэтэй бүхэн юм. Монголын үнэ цэнэтэй зүйлийг хамгаалах гэж Монгол Консерватив үзэл амилсан. Үнэ цэнэтэй зүйлсээ шатрын хүү адил идүүлвэл бид хоосон өрөг дээр ганц нэгхэн тэмээ, морь гэсэн бодтой үлдэнэ. Бид хожих хэрэгтэй.

Даяарчлал дуусах тэр цагт бидний ямар үнэт зүйлтэй үлдэх вэ гэдгийг л бодох ёстой. 
Бусдын хараат, үнэ цэнэгүй Монгол уу? 
Үнэт зүйлээ хадгалан хөгжсөн Монгол уу?