Монгол Улсын Бүсчилсэн хөгжлийн үзэл баримтлал, Засгийн газрын 2024-2028 оны үйл ажиллагааны хөтөлбөр, Бүс орон нутгийн бие даасан байдлыг бэхжүүлэх зорилгын хүрээнд "Хангайн бүсийн зөвлөл" анхдугаар хуралдаан Архангай аймагт болж байна.

Бүсчилсэн хөгжлийн бодлогын хүрээнд ирэх 4 жилд хэрэгжүүлэх боломжтой Хангайн бүсийн хөрөнгө оруулалтын төслүүдийг орон нутгийн иргэд, хөрөнгө оруулагчдад танилцуулж урт, дунд, богино хугацааны бодлогод тусгана.

Шинэ Хархорин хотыг цогцлоох ажил хамгийн чухал асуудлуудын нэг болон яригдсан бөгөөд бүтээн байгуулалтад Батлан хамгаалах салбар оролцоно.

Малын гаралтай түүхий эдийг боловсруулах, аялал жуулчлалыг хөгжүүлэх, дэд бүтцийг сайжруулах асуудлыг тэргүүлэх чиглэл болгох талаар хэлэлцүүлэгт оролцогчдоос тодорхой саналууд гаргаж байна.

Сэтгүүлч

Сэтгүүлч Б.Хонгорсайхан