УИХ-ын чуулганы /2025.04.04/-ний өдрийн хуралдаанаар Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийг хэлэлцэх эсэхийг хэлэлцлээ.

Хэлэлцэж буй асуудалтай холбогдуулан гишүүд асуулт асууж, байр сууриа илэрхийллээ. 

УИХ-ын гишүүн Б.Мөнхсоёл: 

О.Алтангэрэл сайд зөв, хэрэгтэй хууль санаачилсанд талархаж байна. Нэгдүгээрт, Хүний эрх гэдэг С.Эрдэнэболд гишүүний хэлсэнчлэн байдаг л асуудал гээд "үл ойшоох" байдал газар авч байна. Өөрөөр хэлбэл иргэд юунд санаа зовж байна вэ гэвэл тухайн хүн албан тушаал ахих, эрх мэдэл авах тусам хүний эрхийг дээдлэх нөхцөл байдал буурч байна гэдэг шүүмж явдаг! 

Төр, төрийн өмчит үйлдвэрийн газрууд бусад төрийн байгууллагууд, компаниуд, нийгэмд оролцоотой явж бea бүх байгууллагууд жил бүр улсын хэмжээнд хүний эрхийг авч хэлэлцдэг, ярилцдаг тогтолцоо руу оруулаарай гэдгийг хэлэх нь зүйтэй.

Хоёрдугаарт, Олон жил ярьсан хэлмэгдүүлэлтийн асуудлыг янз бүрийн өнцгөөр янз бүрийн цаг үед оноож ярьдаг. Тэгэхээр хүний эрхийн талаар өнгөрсөн үеийн сургамж юу байв. Хэлмэгдүүлэлтийн нөхцөл байдал ямар байгаад, өнөөг хүртэл бид ямар үр дүнд хүрэв гэдэг дээр үнэлгээ дүн шинжилгээ хийх ёстой.

Гуравдугаарт, Хүний эрхийг хэлэлцдэг цахим платформтой болмоор байна. Хүний эрх яагаад зөрчигддөг вэ гэвэл эл зүйлүүд ойлгомжтой байдаг. Жишээлбэл хүүхэд гудамжинд явж байгаад дээрээс нь юм унаад бурхан болчихлоо эсвэл тоглоомын талбайд тоглож байгаад осолд орчихлоо гэх мэт. Энэ мэт эл физикал гэдэг биеийн байдалтай осолд гэмтэлд өртөж байгаа хүний эрх зөрчсөн асуудлуудыг нийгмээрээ хардаг, ярьдаг, шуугидаг, өнгөрдөг. Бүр далд хэлбэртэй хүний эрх зөрчдөг үйл явцууд маш их байдаг. Тиймээс үнэлгээг чухалчлаад байгаа юм.

Сэтгүүлч

Сэтгүүлч Б.Хонгорсайхан