УИХ-ын гишүүн М.Мандхай УИХ-ын дарга Д.Амарбаясгалан болон бусад гишүүдийн хамт 3 дугаар сарын 13-ны өдөр Дундговь аймагт ажиллалаа.

Тэрбээр иргэдтэй хийсэн уулзалтаар парламентаас хэрэгжүүлж буй бодлого шийдвэрүүдийг танилцуулж, төрийн үйлчилгээг иргэдэд ойртуулахад УИХ-ын гишүүдийн оролцоо чухал болохыг онцлоод иргэдээс ирсэн санал асуултад шуурхай хариулт өгч байлаа.

Уулзалттай уялдуулж аймгийн 15 сумаас 300 гаруй хоршоологчид цуглан "Хоршоологчдын зөвлөгөөн"-өө зохион байгуулсан бөгөөд УИХ-ын даргаар ахлуулсан албаныхан бүрэн бүрэлдэхүүнээрээ оролцсон байна. "Энэ үеэр Шинэ хоршоо хөдөлгөөний хэрэгжилтийн явцыг үнэлэх, хоршоологчдын өмнө тулгарч буй асуудлыг хэлэлцэн, цаашдын бодлого, үйл ажиллагааг тодорхойлох ач холбогдолтой арга хэмжээ боллоо" хэмээн УИХ гишүүн М.Мандхай ярилаа.