2024.07.24
Улстөр
ХАМТАРСАН ЗАСГИЙН ГАЗАР НЭГДСЭН ХӨТӨЛБӨР БОЛОВСРУУЛЖЭЭ
“Алсын хараа-2050” Монгол Улсын урт хугацааны бодлоготой уялдуулан хамтарсан Засгийн газар нэгдсэн хөтөлбөр боловсруулжээ. “Хурдтай хөгжлийн төлөөх зориг” нэртэй уг хөтөлбөрт МАН, АН, ХҮН намын сонгуулийн мөрийн хөтөлбөрт тусгагдсан заалтуудаас сонгон оруулжээ.
ЗГХЭГ-ын дарга Н.Учралын танилцуулснаар дээрх гурван намын мөрийн хөтөлбөр нь гүйцэтгэх арга хэлбэрийн хувьд өөр боловч амьжиргааны түвшинг дээшлүүлэх, эдийн засгийн чадавхыг сайжруулах, мега төслүүдийг урагшлуулах зэрэг зорилтын 80 хувь орчим нь ижил байгаа гэлээ. Үүнийг хөндлөнгийн мэргэжилтнүүд дүгнэсэн гэдгийг тэрээр тодотголоо.
Ийнхүү хамтарсан Засгийн газрын нэгдсэн хөтөлбөр бий болсноор намуудын мөрийн хөтөлбөр биелэх боломжтой болох аж.
