Хөрөнгийн үнэлгээний тухай хуулиар төрийн өмчийг хямд үнэлж хулгай хийдэг явдлыг хална
2022.06.20
Хууль, эрх зүй

Хөрөнгийн үнэлгээний тухай хуулиар төрийн өмчийг хямд үнэлж хулгай хийдэг явдлыг хална

Монгол Улсын Засгийн газраас /2020.05.12/-нд УИХ-д өргөн мэдүүлсэн Хөрөнгийн үнэлгээний тухай хуулийн шинэчилсэн найруулгын төслийг /2022.06.17/-нд чуулганы хуралдаанаар эцэслэн баталлаа.

Хөрөнгийн үнэлгээний тухай хуулийг 2010 онд баталсан бөгөөд уг хууль нь 6 бүлэг, 29 зүйлтэй. Хууль хэрэгжээд 12 жилийн хугацаа өнгөрсөн хэдий ч хуулийн үр нөлөөг нэмэгдүүлэх, үнэлгээний асуудлыг хөндсөн бусад хуулиудын хоорондын уялдааг хангаж, давхардал, хийдэл, зөрчлийг арилгах, эсхүл зохицуулалт дутуугаас хэрэгжих боломжгүй олон заалтуудыг залруулах, хуулиас дээгүүр болзол шаардлагыг дүрэм, журмаар тогтоохоос татгалзаж хөрөнгийн үнэлгээний харилцааг хуулийн хүрээнд илүү тодорхой, нийтэд ойлгомжтой байдлаар зохицуулах хэрэгцээ шаардлага үүссэн байна. Эл асуудлыг шийдвэрлэж Хөрөнгийн үнэлгээний тухай хуулийн шинэчилсэн найруулгын төслийг баталсан юм.

Тус хуулиар Хөрөнгийн үнэлгээ хийх, түүний зохион байгуулалтын эрх зүйн үндсийг тодорхойлж, хяналт тавих, энэ чиглэлээр төрийн байгууллага, хуулийн этгээд, иргэний эрх, үүрэг, үйл ажиллагаа болон үнэлгээний мэдээллийн сан бүрдүүлэхтэй холбогдсон харилцааг зохицуулах юм. Эл хуулийн төслийн Ажлын хэсгийн ахлагчаар УИХ-ын гишүүн Х.Булгантуяа ажиллаж, төслийг боловсронгуй болгоход чухал үүрэг гүйцэтгэсэн.


Хуулийн төслийн талаар УИХ-ын гишүүн Б.Энхбаяр хэлэхдээ “Газар, үл хөдлөх, хөдлөх, биет бус бүх хөрөнгийг бодитой үнэлэх замаар төрд өндөр үнэлж шахаа хийдэг, эсхүл төрийн өмчийг хямд үнэлж хулгай хийдэг явдлыг халахад энэ шинэтгэл чиглэж байгаа болно. Мөн далд эдийн засгийг ил болгож, манай эдийн засгийн суурь баазыг тэлэхэд чухал ач холбогдолтой. Учир нь урьд нь бодит биш, үнэлдэггүй байсан олон хөрөнгүүдээ Монгол Улс үнэлж бүртгэж эхлэх үүдийг нээж байна” гэдгийг онцолсон юм.

Хөрөнгийн үнэлгээний тухай хуулийн шинэчилсэн найруулгад дараах асуудлуудыг тусгасан.

  1. Хөрөнгийн үнэлгээний үйл ажиллагаанд оролцогч талуудын оролцоо жигд хангагдана.
  2. Тусгай зөвшөөрлийг иргэнд олгож байсныг зөвхөн хуулийн этгээдэд олгоно.
  3. Нийтийн эрх ашгийг хөндсөн хуулийн этгээдийн хөрөнгийн үнэлгээг тусгай зөвшөөрөлтэй хуулийн этгээдээр үнэлүүлнэ.
  4. ҮОУС-ын зарчим, түүнд нийцсэн нэгдмэл арга, аргачлалыг нэвтрүүлнэ.
  5. Төрийн зарим чиг үүргийг шилжүүлнэ.
  6. Хөрөнгийн үнэлгээний зүйлийн үнэ цэнийг тогтооход ашиглах зорилгоор хөрөнгийн үнэлгээний мэдээллийн сан бүрдүүлнэ.

УИХ-ын нэгдсэн хуралдаанд УИХ-ын гишүүд хөрөнгийн үнэлгээг мэргэжлийн, дадлага туршлагатай хүн хийх ёстой гэдгийг онцолж байсан. Түүнчлэн хөрөнгийн үнэлгээчдийн холбоог өөрийн удирдлагад нь өгөх нь зөв гэж үзэж байв.

ШИНЭ МЭДЭЭ

Бизнес эрхлэгч, хөрөнгө оруулагчдад таатай, хүнд сурталгүй цахим орчин бий болгоно 2022.12.27
Авлига, хүнд суртлыг халж чөлөөт зах зээлийн өрсөлдөөнийг нэмэгдүүлэх mindgolia.mn хэрэглээнд нэвтэрлээ 2022.12.22
Эрүүл мэндийн салбарын цахим шилжилтийн үйл явц болон нүүрсийг цахимаар арилжих бэлтгэл ажлын талаар холбогдох байгууллагуудын мэдээллийг сонслоо 2022.12.21
Үндэсний программ хангамжийн системийн нээлтээр 4.5 тэрбум төгрөгийн худалдан авалт хийв 2022.12.20
“Ухаалаг засаг-2 төсөл”-ийн Зээлийн хэлэлцээрийн төслийг зөвшилцөхийг дэмжлээ 2022.12.20
“Mindgolia” үндэсний программ хангамжийн их дэлгүүр нээгдэхэд бэлэн боллоо 2022.12.19
Эмч нар Япон улсад сэргээн засахын чиглэлийн дадлагажуулах хөтөлбөрт хамрагдлаа 2022.12.19
Н.Учрал: Хуулийн төсөлд нийтийн мэдээллийн нэгдсэн системтэй холбох гэж оруулах хэрэгтэй 2022.12.16
Н.Учрал: Тогтоолын төсөл өргөн баригдсанаас хойш хэдэн төрийн өмчийн компани байгуулагдсан бэ? 2022.12.16
Цахим ур чадвар олгох төв нээгдлээ 2022.12.16
Н.Учрал: Нүүрсний зах зээл 24 цаг иргэдэд нээлттэй болно 2022.12.15
Авлигын гэмт хэрэгт өршөөл үзүүлэхгүй байх зохицуулалтыг тусгасан Эрүүгийн хуульд нэмэлт, өөрчлөлт оруулах тухай хуулийн төслийг хэлэлцэхийг дэмжив 2022.12.14
Уул уурхайн бүтээгдэхүүний биржийн тухай хуулийн төслийн анхны хэлэлцүүлгийг хийж, төрийн болон орон нутгийн өмчийн асуудлаарх хууль, тогтоолын төслүүдийг хэлэлцэв 2022.12.14
Н.Учрал: Иргэдэд төрийн үйлчилгээг хүнд сурталгүй үзүүлнэ 2022.12.13
Технологийн шийдлээр бурууг нурааж, зөвийг бүтээе 2022.12.13
Киоскоос бүх төрлийн лавлагаа, тодорхойлолт, тоон гарын үсэг авах боломжтой болно 2022.12.13
Технологийн шийдлээр бурууг нурааж, зөвийг бүтээе! 2022.12.13
Нүүрсний реформ санаачилга гаргасан технологийн салбарынхныг ЦХХХ-ы сайд Н.Учрал хүлээж авч уулзаж байна 2022.12.12
Цахим бирж нүүрсний захад 24 цаг гэрэл асаана 2022.12.12
Монголын төр 62 тэрбумаар сервер, тоног төхөөрөмж аваад огт ашиглаагүй 2022.12.01