ОУПХ-ны Ази, Номхон далайн бүлгийн чуулган Улаанбаатарт болно
2019.05.02
Гадаад харилцаа

ОУПХ-ны Ази, Номхон далайн бүлгийн чуулган Улаанбаатарт болно

Тогтвортой хөгжлийн зорилтын хэрэгжилтийн асуудлаарх Олон Улсын Парламентын Холбооны Ази, Номхон далайн бүлгийн II чуулган Монгол Улсын нийслэл Улаанбаатар хотноо 2019 оны 5-р сарын 27-28-нд болно.

Монгол Улсын парламент олон улс, бүс нутгийн хэмжээний ийм чуулганыг өмнө нь 3 удаа зохион байгуулж байсан бөгөөд өнгөрсөн оны 6-р сард “Тогтвортой хөгжлийн зорилтуудад хүрэхэд Парламентын гишүүдийн оролцоог нэмэгдүүлэх, чадавхийг бэхжүүлэх нь” сэдэвт Ази, Номхон далайн бүсийн орнуудын парламентчдын зөвлөгөөнийг зохион байгуулсан билээ.

Энэ сарын сүүлчээр болох чуулган гишүүн орнуудын оролцоо, хэлэлцэх асуудлын цар хүрээний хувьд томоохонд тооцогдох бөгөөд зохион байгуулах ажлын хэсгийг УИХ-ын дэд дарга Л.Энх-Амгалангаар ахлуулан байгуулсан. Ажлын хэсгийн орлогч даргаар УИХ-ын Нийгмийн бодлого, боловсрол, соёл, шинжлэх ухааны байнгын хорооны дарга Д.Оюунхорол ажиллаж байна.

УИХ-ын дарга Г.Занданшатар Ажлын хэсгийг өнөөдөр хуралдуулж, чуулганы бэлтгэл ажилтай танилцан, чуулганаар хэлэлцэх асуудал, түүнд Монгол Улсын парламентын оролцоог хангах талаар үүрэг даалгавар өглөө.

Энэ удаагийн чуулганд ОУПХ-ны гишүүн ба гишүүн бус Ази, Номхон далайн бүсийн 40 гаруй орноос 150 орчим төлөөлөгч оролцоно гэж тооцож байгаа юм.

Чуулганаар чанартай боловсрол олгох замаар ядуурлыг бууруулах зорилтын хэрэгжилт, эх, хүүхэд, өсвөр насныхны болон нийт иргэдийн эрүүл мэндийг хамгаалах, эрүүл мэндийн тусламж үйлчилгээний чанар, хүртээмжийг сайжруулах, уур амьсгалын өөрчлөлтийн  эсрэг тэмцэх, урьдчилан сэргийлэх чиглэлээр Тогтвортой хөгжлийн зорилтыг хангаж буй байдал, парламентуудын хүрсэн үр дүн, туршлага, сургамж зэрэг асуудлуудыг хэлэлцэх юм.

Монгол Улс “Тогтвортой хөгжлийн үзэл баримтлал-2030” баримт бичгийг 2016 онд баталсан бөгөөд энэхүү зорилтын хэрэгжилт ямар байгааг дүгнэх, танилцуулах, бусад улс орнуудтай жишин харьцуулах боломж гарч байгааг УИХ-ы дарга Г.Занданшатар онцлоод, салбар хуралдаануудад боловсрол, эрүүл мэнд, байгаль орчин, нийгмийн хамгааллын салбар хариуцсан Сайд нар үндсэн илтгэл тавьж хэлэлцүүлэх нь зүйтэй гэж үзэж байгаагаа илэрхийлэв.

ОУПХ нь 1899 онд байгуулагдсан, дэлхийн 179 парламентыг эгнээндээ нэгтгэсэн, НҮБ-д ажиглагчийн статустай олон улсын томоохон байгууллага юм. Манай улс ОУПХ-нд 1962 онд элсэж, 1992 онд байнгын ажиллагаатай парламент байгуулагдсан үеэс эхлэн үйл ажиллагаанд нь идэвхтэй оролцсоор ирсэн билээ. Өдгөө УИХ-ын гишүүн Н.Оюундарь, Б.Саранчимэг, Н.Учрал нар ОУПХ-ны бүрэлдэхүүн хороодод гишүүнээр сонгогдон ажиллаж байна.

ОУПХ-ны ерөнхийлөгчөөр Мексик Улсын иргэн, хатагтай Габриэла Куэвас Баррон 2017 оны 10-р сараас сонгогдон ажиллаж байгаа. Тэрбээр Улаанбаатарт болох чуулганд ирж оролцох юм.  

ШИНЭ МЭДЭЭ

Бизнес эрхлэгч, хөрөнгө оруулагчдад таатай, хүнд сурталгүй цахим орчин бий болгоно 2022.12.27
Авлига, хүнд суртлыг халж чөлөөт зах зээлийн өрсөлдөөнийг нэмэгдүүлэх mindgolia.mn хэрэглээнд нэвтэрлээ 2022.12.22
Эрүүл мэндийн салбарын цахим шилжилтийн үйл явц болон нүүрсийг цахимаар арилжих бэлтгэл ажлын талаар холбогдох байгууллагуудын мэдээллийг сонслоо 2022.12.21
Үндэсний программ хангамжийн системийн нээлтээр 4.5 тэрбум төгрөгийн худалдан авалт хийв 2022.12.20
“Ухаалаг засаг-2 төсөл”-ийн Зээлийн хэлэлцээрийн төслийг зөвшилцөхийг дэмжлээ 2022.12.20
“Mindgolia” үндэсний программ хангамжийн их дэлгүүр нээгдэхэд бэлэн боллоо 2022.12.19
Эмч нар Япон улсад сэргээн засахын чиглэлийн дадлагажуулах хөтөлбөрт хамрагдлаа 2022.12.19
Н.Учрал: Хуулийн төсөлд нийтийн мэдээллийн нэгдсэн системтэй холбох гэж оруулах хэрэгтэй 2022.12.16
Н.Учрал: Тогтоолын төсөл өргөн баригдсанаас хойш хэдэн төрийн өмчийн компани байгуулагдсан бэ? 2022.12.16
Цахим ур чадвар олгох төв нээгдлээ 2022.12.16
Н.Учрал: Нүүрсний зах зээл 24 цаг иргэдэд нээлттэй болно 2022.12.15
Авлигын гэмт хэрэгт өршөөл үзүүлэхгүй байх зохицуулалтыг тусгасан Эрүүгийн хуульд нэмэлт, өөрчлөлт оруулах тухай хуулийн төслийг хэлэлцэхийг дэмжив 2022.12.14
Уул уурхайн бүтээгдэхүүний биржийн тухай хуулийн төслийн анхны хэлэлцүүлгийг хийж, төрийн болон орон нутгийн өмчийн асуудлаарх хууль, тогтоолын төслүүдийг хэлэлцэв 2022.12.14
Н.Учрал: Иргэдэд төрийн үйлчилгээг хүнд сурталгүй үзүүлнэ 2022.12.13
Технологийн шийдлээр бурууг нурааж, зөвийг бүтээе 2022.12.13
Киоскоос бүх төрлийн лавлагаа, тодорхойлолт, тоон гарын үсэг авах боломжтой болно 2022.12.13
Технологийн шийдлээр бурууг нурааж, зөвийг бүтээе! 2022.12.13
Нүүрсний реформ санаачилга гаргасан технологийн салбарынхныг ЦХХХ-ы сайд Н.Учрал хүлээж авч уулзаж байна 2022.12.12
Цахим бирж нүүрсний захад 24 цаг гэрэл асаана 2022.12.12
Монголын төр 62 тэрбумаар сервер, тоног төхөөрөмж аваад огт ашиглаагүй 2022.12.01