УИХ-ын гишүүн, БСШУС-ын байнгын хорооны дарга Г.Дамдинням соёл, урлагийн салбарын ажилтнууддаа баярын мэнд хүргэлээ
2021.09.13

УИХ-ын гишүүн, БСШУС-ын байнгын хорооны дарга Г.Дамдинням соёл, урлагийн салбарын ажилтнууддаа баярын мэнд хүргэлээ

Тэрээр 

Өв соёл арвин, өндөр их түүхт Монголынхоо соёл, урлагийг өвлүүлэх, сурталчлах, хөгжүүлэх үйлсэд жилийн турш түүчээлэн зүтгэж ирсэн үе үеийн соён гэгээрүүлэгчид, соёл, урлагийн салбарын ажилтнууддаа баярын мэндийг хүргэе.

Төрийн зүгээс үндэсний соёлоо хамгаалах, түгээн дэлгэрүүлэх ач холбогдлыг өндөрт өргөн Соёлын яамтай боллоо.
БСШУС-ын байнгын хорооноос идэвхи чармайлт гарган ажиллаж, соёл урлагийн салбарын эрх зүйн орчинд эрс өөрчлөлт, шинэчлэлтүүдийг хийж чадсан.

Тодруулбал:

  • Соёлын тухай хууль,
  • Музейн тухай хууль,
  • Кино урлагийг дэмжих тухай хуулиудыг Байнгын хорооны даргын хувиар удирдан чиглүүлж, УИХ-ын хаврын чуулганаар батлуулж, улмаар хэрэгжих нөхцөл бүрдсэнд туйлын баяртай байна.

Эдгээр хууль, бодлогын зохицуулалтаар соёл урлагийн салбарын ажилтнуудын цалин, урамшуулал, нийгмийн баталгааг тодорхой болгосноос гадна Монгол соёлыг түгээн дэлгэрүүлэх, хамгаалах, эдийн засгийн ач холбогдолтой болгон дэмжих чиглэлд төрийн болон бусад оролцогч талуудын ажиллах зохицуулалт бодлого тодорхой болсон юм.
Цаашид Соёлыг эдийн засагжуулах, бизнесийн шинэ томоохон салбар болгох эрх зүйн орчныг бий болгох чиглэлд анхаарч, ажил хэрэг болгоно.
Өвөг дээдсээс өвлүүлэн үлдээсэн соёл, урлагаа өв тэгш хөгжүүлэн үр хойч, өргөн дэлхийд таниулахын төлөө хамтран хичээцгээе.

хэмээн өөрийн цахим хуудсаараа дамжуулан баяр хүргэсэн юм.

Сэтгүүлч

Сэтгүүлч Ц.Соёлмаа soyolmaa@vip76.mn