2021.06.17

Б.Бат-Эрдэнэ: Хуулийн төслийн гадаад үг хэллэгийг монголчлох хэрэгтэй

УИХ-ын чуулганы өнөөдрийн \2021.06.17\ нэгдсэн хуралдаанаар Виртуал хөрөнгийн үйлчилгээ үзүүлэгчийн тухай хуулийн төслийг хэлэлцлээ. 

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн Б.Бат-Эрдэнэ:

"Энэ хуулиар олон улсын зах зээлд биет бус мөнгөн хэрэгсэл, бүтээгдэхүүн манай улсын санхүүгийн зах зээлд нэвтрэх, өргөжих төлөвтэй байгаа тул үүнийг зохицуулах зорилготой хууль гэж үзсэн. Хуулийн  дөрөвдүгээр зүйлд виртуал, дижитал гэх 2 үгийг үзэхээр гадаад нэр томъёо ашиглагдсан. Энэ талаар тайлбар өгнө үү? Бид нилээн судалсан. Цахим хуудас, хуулийн мэдээллийн санг нягтлахаар эдгээр үгийг өмнө нь хэрэглэж байсан, тодорхойлолт байхгүй байна. Харин Википедиа цахим тольд цахим хэрэгслээр бий болгосон, хиймэл бодит байдал гэж виртуал гэх үгийг тодорхойлсон байна. 

ХЗДХ-ийн яамны төрийн нарийн бичгийн дарга хэлэхдээ, ФАТФ зөвлөмж хэрэгжүүлэх, хязгаарлалтад орохгүй байх, үйлчилгээ үзүүлэгчийг бүртгэн татварт хамруулах сайхан санаатай, мөн үйл ажиллагаа явуулж байгаа хэд хэдэн компанийн үйл ажиллагааг дэмжисэн ийм хуульл болохоор байна."

Түүний асуултанд ХЗДХ-ийн яамны төрийн нарийн бичгийн дарга Н.Баасандорж хариуллаа. 

Сэтгүүлч

Редактор Ц.Соёлмаа soko@vip76.mn