!["Пёнчан-2018"-д оролцох баг тамирчдыг Б.Бат-Эрдэнэ ахална](http://uchral.mn/media/news/original/2017/10/19/d4f441f9589e1f5d4b5b3329d8026c58.jpg)
"Пёнчан-2018"-д оролцох баг тамирчдыг Б.Бат-Эрдэнэ ахална
МҮОХ-ны хурлын танхимд тус хорооны Гүйцэтгэх зөвлөлийн гишүүдийн хурлаар 2020 он хүртэл болох спортын олон улсын таван том наадмын багийн ахлагчийг сонголоо.
Хамгийн эхэнд "Пёнчан-2018" өвлийн олимпийн наадмын багийн ахлагчаар УИХ-ын гишүүн Б.Бат-Эрдэнэ, "Жакарта-2018" Азийн наадмын багийн ахлагчаар НИТХ-ын дарга асан, Монголын триатлоны холбооны ерөнхийлөгч Ц.Сандуйг томилов.
"Буэнос-Айрос-2018" залуучуудын олимпийн наадмын багийг Монголын байт харвааны холбооны ерөнхий нарийн бичгийн дарга, МҮОХ-ны Гүйцэтгэх зөвлөлийн гишүүн Т.Амаржаргал, "Тайчунь-2019" Зүүн Азийн залуучуудын наадмын баг тамирчдыг А.Ганбаатар, 2020 оны залуучуудын өвлийн олимпийн наадмын багийн ахлагчаар Ч.Амарсанаа нарыг сонгов.