Олон улсын сагсан бөмбөгийн холбоо (FIBA) болон Монголын 3х3 сагсан бөмбөгийн холбоо хамтран 3х3 сагсан бөмбөгийн дэлхийн аварга шалгаруулах тэмцээнийг 2025 оны 6 дугаар сарын 29-ний өдрийг дуустал Д.Сүхбаатарын талбайд зохион байгуулна.

Тус тэмцээнд АНУ, Франц, Серби, Литва, Хятад болон Монгол Улсын шигшээ тэргүүтэй 27 орны эрэгтэй, эмэгтэй нийт 40 баг өрсөлдөж байна.

Өчигдөр Монгол Улсын эмэгтэй шигшээ баг “FIBA 3x3 World Cup 2025” тэмцээний хэсгийн сүүлийн тоглолтдоо Украйны шигшээ багийг хожиж, 2 дугаар байраар хасагдах шатанд шалгарлаа. Соёл, спорт, аялал жуулчлал, залуучуудын сайд Ч.Ундрам шигшээ багийн тамирчидтай уулзаж, тэмцээнд нь өндөр амжилт хүслээ.