Ерөнхий сайд Ж.Эрдэнэбатын гэр бүлээс 2017 оны нэгдүгээр сарын 1-нд төрсөн хүүхдүүдэд гарын бэлэг өгчээ.

Он солигдох мөчид Монгол Улсын хэмжээнд 121 хүүхэд мэндэлснийг ЭМЯ-наас мэдээлсэн. 

Засгийн газрын тэргүүний гэр бүлийнхэн эдгээр шинэ иргэнд өгөх бэлгээ Үндэсний үйлдвэрлэгч "EXCLUSIVE" компаниас сонгожээ. 

Ерөнхий сайд болон тэдний гэр бүлийнхэн үндэсний үйлдвэрлэлээ дэмжихийг илүүд үзэж байгаа аж.

Ерөнхий сайд бэлгийн хамт илгээсэн мэндчилгээндээ:

Эрхэм дүү ..... Танаа

Удам судрынхаа нэр хүндийг өргөж
Ураг элгэндээ өрх, бүл нэмэн
Ухаант дээдсийн өв эрдмийг дээдлэн
Улс Монголынхоо гал голомтыг бадраах
Уужим саруул ухаантай сайн хүмүүн болоорой

Монгол Улсын 29 дэх Ерөнхий сайд Жаргалтулгын ЭРДЭНЭБАТ-ын гэр бүлээс

2017.01.01 гэжээ.

Шинээр мэндэлсэн 121 хүүхдэд илгээсэн бэлэг:

 

 

 

"EXCLUSIVE" компаниас гаргасан энэхүү шинэ бүтээгдэхүүний /Exclusive baby/ анхны захиалагч нь Ерөнхий сайд Ж.Эрдэнэбат, анхны хэрэглэгч нь 2017.01.01-нд мэндэлсэн хүүхдүүд болжээ.