Монгол Улсын Засгийн газраас Төсвийн холбогдох хууль тогтоомжийн шинэчилсэн төслийг өргөн барих гэж байгаатай холбогдуулан Дэлхийн банкнаас УИХ-ын гишүүдийг Чили Улсад болон Вашингтон дахь Дэлхийн банкны төв оффист олон улсын туршлага судлуулж танилцуулах айлчлалд урьжээ.

Төлөөлөгчдийн бүрэлдхүүнд УИХ-ын гишүүн, УИХ дахь МАХН-ын бүлгийн дарга Д.Лүндээжанцан, АН-ын бүлгийн дарга Ч.Сайханбилэг,УИХ-ын гишүүн, Төрийн байгуулалтын Байнгын хорооны дарга Ө.Энхтүвшин, УИХ-ын гишүүнД.Ганхуяг, Д.Дондог,  Сангийн дэд сайд Т.Очирхүү нарын албаны хүмүүс багтсан байна.

Төлөөлөгчид 9 дүгээр сарын 6-наас 9-ний хооронд Чилид айлчлах бөгөөд энэ сарын 10-наас 13-нд Дэлхийн банкны төв оффист болох уулзалтанд оролцоно.