Түүнчлэн хоёр намын хамтын ажиллагааг хөгжүүлэхэд Фридрих Эбертийн сан чухал үүрэг гүйцэтгэж, түүний дотор парламент дахь манай намын бүлэг ардчилсан социалист үзэл баримтлал, улс төрийн намуудын төлөвшил, намын дотоод зохион байгуулалт, эвслийн засгийн газар, сонгуулийн хууль, тогтолцооны чиглэлээр туршлага солилцон хамтран ажиллаж,  Монгол Улсад ардчиллыг хөгжүүлэх үйлсэд ихээхэн хувь нэмэр оруулсанд бүлгийн дэд дарга  талархал илэрхийлсэн юм.

Энэ сарын 21-28-ны өдөр “Сонгуулийн эрх зүйн шинэчлэл, ардчиллын хөгжил ба  залуучуудын улс төрийн оролцоо“ намрын сургалт Монголд болж байгаа. Энэ сургалтыг зохион байгуулахаар Үте Күмф  Монгол Улсад ирээд байгаа юм.