УИХ-ын намрын чуулган сар шинийн өмнөхөн завсарласан. Харин ирэх гуравдугаар сарын 20-нд ээлжит бус чуулган хуралдах тов гараад байгаа. Чуулган завсарласан энэ өдрүүдэд Төрийн ордон нам гүмхэн байна. Гишүүдийн зарим нь гадаадад яваа бол нэг хэсэг нь хөдөө орон нутагт ажиллаж буй юм. Тэгвэл УИХ-ын зарим гишүүд хаагуур, юу хийж амарч байгаа талаар  тодруулснаа хүргэе.

-УИХ-ын чуулган зав­сарлалаа. Ямар ажил амжуулахаар тө­лөвлөж байна вэ. Уул уурхайн салбарт ямар ажил хийхээр төлөвлөж байна?

-Уул уурхайн 2014 оны ажлын хөтөлбөр гар­сан байгаа. Энэ онд 10 орчим төсөл хэрэг­жүүлэхээр төлөвлөсөн. Чуулганы хугацаанд үүн дээрээ сууна. Ер нь бол графикийн дагуу ажил явагдана. Харин төсөл хөтөл­бөрүүдээ ажил хэ­рэг болгохдоо цаг тухайд нь мэдээлэл хийнэ. Ту­хайлбал, нүүрс хий­жүүлэх төсөл байна. Хүрэн нүүрсээр Монгол орон баян ч гадагш экс­портолдоггүй учраас ийм төсөл санаачилсан. Хя­тад улсын тухайд 2014 оны нэгдүгээр сарын 1-нээс бүх цахилгаан стан­циудаа байгалийн хий­гээр ажиллуулах шийд­вэр гаргасан байдаг. Энэ төслийг хэрэг­жүүлэхийн тулд хур­дацтай ажиллаж байна.

-Оюу толгойн гэ­рээнд өөрчлөлт оруу­лах асуудал бүтэн жи­лийн хугацаанд яригд­сан ч тодорхой ахиц гарсангүй.

-Оюу толгойн хувьд ил уурхайн баяжуулах үйлд­вэрийн үйлдвэрлэл яваг­даж байгаа. Далд уур­хайн санхүүжилтийн асууд­лыг компанийнхан шийдвэр гүйцэтгэх бай­гууллагаараа шийдэх ёстой. Асуудлыг шийдэ­хээр гэрээ хэлэлцээр яваг­даж байна. Тооцоо томьёо­лол хийж дараа­гийн санхүүжилтийг хийхээр ажиллаж байгаа. Бас Таван толгойн асуудал гэж бий.

Бид стратегийн хө­рөнгө оруулагчдыг ший­дэх ёстой. Асуудлыг хур­дан шийднэ. Таван толгой өртэй байгаа. Өрийг нь 2013 онд баг­таан төлж дуусгах байсан ч амжаагүй. Өрнөөс гарах хэм­жээний нүүрсийг ол­борлочихсон байна. Нийт өрийн гуравны нэг нь үлдсэн.

-Ашигт малтмалын тухай хууль өөрч­лөгдөж олборлосон алтаа эх орондоо үл­дээх хөшүүргийг хий­лээ. Ингэснээр эдийн засагт ямар дэвшил гарах юм?

-Бид алтаа төгрөгөөр худалдаж авна. Нөө­цөлнө. Алтны нөөцтэй болно гэдэг шууд гадаад валюттай болсон гэсэн үг. Гадаад валютын нөөц их байна гэдэг ханш тогтвортой байхын илэр­хийлэл. Хууль мөрдөгдөж эхлэхэд үр дүн гарна. Одооноос эхлээд олбор­логчид алтаа Монголбан­кинд тушааж эхэлсэн гэсэн мэдээлэл ирсэн.