Монгол Улсын Ерөнхийлөгчийн зарлигаар эрхэлсэн ажил, салбартаа өндөр амжилт гарган, эх орноо хөгжүүлэх үйл хэрэгт үнэтэй хувь нэмэр оруулсан хүмүүст Төрийн одон, медаль гардууллаа. 

Шагнал хүртсэн иргэдийн одон медалийг УИХ-ын дарга Д.Амарбаясгалан гардуулав. 

ХӨДӨЛМӨРИЙН ГАВЬЯАНЫ УЛААН ТУГИЙН ОДОН: 

Г.Нансалмаа Увс аймгийн Зүүнхангай сумын харьяат, улсдаа 44 жил ажилласан

Д.Лхамсүрэн Говь-Алтай аймгийн Жаргалан сумын харьяат, Боловсролын салбарт цэцэрлэгийн багш, эрхлэгчээр 41 жил ажилласан.

АЛТАНГАДАС ОДОН : 

Л.Дамбаасүрэн Ховд аймгийн Жаргалант сумын харьяат, барилгын салбарт 36 жил тасралтгүй ажилласан. 

Ч.Нүрзээ Говь-Алтай аймгийн Шарга сумын харьяат, Боловсролын салбарт бага ангийн багшаар 30 жил ажилласан.

Г.Сүрэнжав Говь-Алтай аймгийн Төгрөг сумын харьяат, Боловсролын салбарт бага ангийн багшаар 25 жил ажилласан.

Д.Сэлмаажав Говь-Алтай аймгийн Төгрөг сумын харьяат, Боловсролын салбарт бага ангийн багшаар 24 жил ажилласан.

С.Долгор Ховд аймгийн Манхан сумын харьяат, улсдаа 32 жил ажилласнаас худалдааны салбарт 22 жил ажилласан.

М.Гажид Говь-Алтай аймгийн Шарга сумын харьяат, Боловсролын салбарт бага ангийн багшаар 24 жил ажилласан.

Ж.Оюунгэрэл Говь-Алтай аймгийн, Бугат сумын харьяат, Боловсролын салбарт 28 жил ажилласан.  

Д.Нямлхагва Боловсролын салбарт бага ангийн багшаар 34 жил тасралтгүй ажилласан. 

Д.Өнөрцэцэг Эрүүл мэндийн салбарт тасралтгүй 30 жил ажилласан байна.