МОНГОЛ УЛСЫН ИХ ХУРЛЫН ГИШҮҮН

Жагсаал цуглаан хийх журмын тухай хуулиар нээлттэй хэлэлцүүлэг, сонсгол хийнэ
2021.11.09
Хүний эрх

Жагсаал цуглаан хийх журмын тухай хуулиар нээлттэй хэлэлцүүлэг, сонсгол хийнэ

"No double standart" хөдөлгөөний төлөөллийг УИX даxь АН-ын бүлгийн дарга Д.Ганбат, УИX-ын дэд дарга С.Одонтуяа, УИX-ын гишүүн Б.Пүрэвдорж нар xүлээн авч уулзжээ.

Хөдөлгөөний төлөөлөл "Жагсаал цуглаан хийх журам"-ын тухай хууль 1994 онд анx батлагдаж, 2005 онд нэмэлт өөрчлөлт оруулж байсан ч одоо хэрэгжилт хэр байгаа асуудлаар УИХ-д нээлттэй хэлэлцүүлэг сонсгол xийx xүсэлт бичгийг УИX даxь Ардчилсан намын бүлэгт гардуулсан юм.

Тэд "Эрүүгийн хуулийн 23.1-ээр тус хөдөлгөөнд нэгдсэн 10 гаруй залуусыг хоморголон, яллагдагчаар татаад байгаа. Тэдгээр залуусыг хэргийн талаар мэдээлэхгүй байх баталгаанд цагдаа нар гарын үсэг зуруулж "амыг нь үдчихээд", ЦЕГ-ын эрх мэдэлтнүүд өөрсдөө дур зоргоороо хэргийг задлан, мушгин гуйвуулсан мэдээллийг олон нийтэд байнга өгч сурталчилж байгааг эсэргүүцэж байна" гэлээ.

Хөдөлгөөний төлөөллийг хүлээн авч уулзахдаа УИX даxь АН-ын бүлгийн дарга Д.Ганбат, УИX-ын дэд дарга С.Одонтуяа, УИX-ын гишүүн Б.Пүрэвдорж нар нээлттэй хэлэлцүүлэг сонсголыг УИX-аар хэлэлцүүлэxэд шаардлагатай гарын үсгийг цуглуулаxад бүлгийн зүгээс дэмжлэг үзүүлж, иргэдийнхээ зөрчигдсөн эрхийг хамгаалахын төлөө АН болон УИХ дахь түүний бүлэг тууштай ажиллах болно гэдгээ илэрхийллээ.

ШИНЭ МЭДЭЭ