Дэлхийн Зөн Монгол олон улсын байгууллагын дэмжлэгтэйгээр Гэр бүл, хүүхэд, залуучуудын хөгжлийн газрын дэргэдэх Хүүхэд хамгааллын үйлчилгээ үзүүлэх төв нээлтээ хийж, үйл ажиллагаагаа явуулахад бэлэн боллоо.

Эрсдэлт нөхцөлд байгаа хүүхдэд хамгааллын хариу үйлчилгээг хууль тогтоомж стандартад, нийцүүлэн олон талт мэргэшсэн үйлчилгээг үзүүлэхээр ажиллаж байна.

Тухайн хүүхэд хамгааллын байр нь хүчирхийллийн хохирогч болсон хүүхдэд хамгааллын үйлчилгээг нэг төрлөөр дагнан үзүүлнэ. Мөн хохирогч хүүхдүүдэд сэтгэл зүйн урт хугацааны үйлчилгээг магадлан итгэмжлэгдсэн мэргэшсэн төрийн бус байгууллагатай хамтарч үзүүлэхээрээ онцлогтой юм.