Хөдөлмөр, нийгмийн хамгааллын яам олон улсын байгууллагуудтай хамтран хүүхэд, гэр бүлд чиглэсэн нөлөөллийн ажлыг үе шаттай зохион байгуулж байна.

Энэ жилийн эхний хагаст Ерөнхий боловсролын дунд, ахлах ангийн сурагчид, тэдний эцэг эх, асран хамгаалагчид, багш, ажилтнууд, олон нийтийн дунд үе тэнгийн дарамт дээрэлхэлт, ялгаварлан гадуурхалтын талаарх мэдлэг, ойлголтыг нэмэгдүүлж, энэ төрлийн хүчирхийллээс урьдчилан сэргийлэх зорилготой “Найз байя” үндэсний аяныг 2023 оны 4- 6 дугаар сард амжилттай зохион байгуулсан.

Нөлөөллийн ажлын үргэлжлэл “Чи ганцаараа биш” аяныг “Бүү өнгөрөө, хүүхэдтэйгээ ярилцаарай” уриан дор Охидыг хүчирхийлэл мөлжлөгөөс урьдчилан сэргийлэх, бэлгийн хүчирхийлэл, мөлжлөгийн төрөл хэлбэрүүдийг таньж мэдэх, тэдгээрээс хүүхдээ хамгаалах, энэ төрлийн гэмт хэргийг мэдээлэх, тусламж үйлчилгээ авах, өсвөр насны хүүхэд, эцэг эхчүүдийн ойлголт мэдлэгийг нэмэгдүүлэх зорилготойгоороо онцлог юм.