ОХУ-ын боловсролын үзэсгэлэн Улаанбаатар хот дахь Оросын шинжлэх ухаан, соёлын төвд /РЦНК/ нээлтээ хийлээ.

Үзэсгэлэнгийн нээлтийн ажиллагаанд УИХ-ын гишүүн, Аюулгүй байдал, гадаад бодлогын байнгын хорооны дарга, УИХ-ын Монгол-Оросын парламентын бүлгийн дэд дарга Б.Энх-Амгалан болон албаны хүмүүс оролцлоо.

Уг үзэсгэлэнд ОХУ-ын Москва, Санкт-Петербург, Томск, Иркутск, Новосибирск, Красноярск, Екантеринбург, Канзань, Тюмень, Донын Ростов, Владивосток, Бүгд Найрамдах Буриад улс зэрэг муж хотуудын томоохон 22 их дээд сургууль оролцож байна. Ингэснээр Монголын оюутан залуус, ЕБС-ын ахлах ангийн сурагчид, эцэг эхчүүдэд боловсролын хөтөлбөр, сургалтын чиглэлээ танилцуулж, сурагчид мэргэжлээ сонгоход нь туслах тэтгэлэгт хөтөлбөрөө танилцуулах юм.

ОХУ-ын Засгийн газрын тэтгэлгээр суралцах квот 270 байсан бол нэмэгдүүлж, жил бүр монгол улсын 600 оюутан суралцаж байна.