БОАЖ-ын дэд сайд Г.Түвдэндорж Төв аймгийн Заамар суманд ажиллалаа. 

Тэрээр Засгийн газрын үйл ажиллагааны хөтөлбөрт туссан зорилтын хэрэгжилтийг хангах “Нөхөн сэргээлт-2024” нэгдсэн ажлын хэсгийг ахалж, 08 дугаар сарын 22-ны өдөр Төв аймгийн Заамар суманд ажиллаж, сумын нутагт үйл ажиллагаа явуулж буй аж ахуйн нэгжүүдийн төлөөлөлтэй уулзлаа.

Уулзалтаар тус сумын Баянголын хэсэгт уул уурхайн үйл ажиллагаанаас шалтгаалж, эвдэрсэн 120 га талбайд нэр бүхий 17 аж ахуйн нэгж нөхөн сэргээлтийн ажлыг нэгдсэн байдлаар зохион байгуулж, 10 дугаар сарын 01-ний дотор хүлээлгэн өгөхийг үүрэг болголоо.

Хэрэгжилтэд Төв аймгийн БОАЖГ, Мэргэжлийн хяналтын газар, Заамар сумын ЗДТГ, Заамар сум дахь цагдаагийн хэлтэс хяналт тавьж ажиллахыг чиглэл болгосон юм.

Мөн энэ үеэр “Монполимет” ХХК, “Уулс заамар” ХХК зэрэг зарим аж ахуйн нэгжийн нөхөн сэргээлтийн ажлын явцтай биечлэн танилцаж, холбогдох үүрэг чиглэл өглөө.