Сонгинохайрхан дүүргийн 15, 16 дугаар хорооны нутаг дэвсгэр дэх нийтийн эдэлбэр талбайд зөвшөөрөлгүй газар ашиглаж байсан контейнер, гараашийг чөлөөлөх ажил үргэлжилж байна.

Тус ажлын хүрээнд одоогийн байдлаар 15-р хорооны 251 гарааш, 16-р хороо 149 гарааш, чингэлэгийг буулгаж, талбайг чөлөөллөө.

Энэхүү талбайд өнөөдөр /2022.04.06/ ИТХ-ын төлөөлөгч, Сонгинохайрхан дүүргийн Засаг дарга Н.Алтаншагай Нийслэл, дүүргийн холбогдох албан тушаалтнуудын хамт ажиллалаа. Тус чөлөөлсөн талбайд хийх бүтээн байгуулалтын ажлын зураг төсөлд иргэдийн саналыг тусгах, хэрхэн өөрчлөлт оруулах талаар оршин суугчид болон объект эзэмшигчидтэй уулзаж санал бодлыг сонслоо.

Дүүргийн 1-р хороолол орчмын 60 байршилд нийт 1559 ширхэг тоосгон болон бетон гарааш, контейнер, төмөр зөөврийн чингэлгийг буулгаж, газар чөлөөлөхөөр төлөвлөгөөнд тусгагдсан бөгөөд 9.5 га газрыг нийтийн эзэмшилд шилжүүлэн иргэдэд ээлтэй, эрүүл, аюулгүй орчинд амьдрах орчин нөхцлийг бүрдүүлэхээр ажиллаж байна.