УИХ-ын чуулганы өнөөдрийн \2020.07.08\  нэгдсэн хуралдаан эхэллээ. Хуралдаанаар Монгол Улсын Засгийн газрын бүрэлдэхүүн, сайд томилох асуудлыг  хэлэлцэж байна.

Хэлэлцэж буй асуудалтай холбогдуулан УИХ-ын гишүүд үг хэлж, асуулт асууж байна.

УИХ-ын гишүүн Ц.Анандбазар:

“Мэргэжлийн баг бүрдүүлж байгаа Ерөнхий сайддаа баяр хүргэе.

Дэлхий нийтийг хамарсан халдварт цар тахлын энэ үеийг би боломж гэж хэрж, эдийн засгаа тэлэх боломжтой гэж харж байна.

Соёлын сайдаас асууя. Соёлын оюуны өв, тэдгээрийг үнэлэх үнэлэмж Монголд маш бага байдаг. Тэдний хүсэж байгаа зүйл нь яамтай болж амьдралаа дээшлүүлж цалин орлоготой болно гэж талархаж байгаа. Тиймээс та дэд сайд, ТНБД аа эдийн засаг бизнесийн салбарын хүн авбал ажилд тань дэм болно.

Дуурь, Төв номын сан гэх мэт түүхийн үнэт барилгыг та түүхийн хүн учраас нураахыг зогсоогоорой. Дэлхийд 50 жил болсон барилгыг шинэ, 100 жил болсоныг шинэвтэр барилга гэдэг.

Боловсролын сайд салбараа сайн мэддэг. Тиймээс бусад яамтай хамтран ажиллах чиглэлд анхаарч ажиллаарай. Та нийслэлийн төвлөрлийг бууруулах гол хүн. Хөдөөгөөс хот руу ирж байгаа их нүүдлийг бууруулах ёстой. Миний өргөн барих хуулиудын нэг дотор их дээд сургуулийн 1-2 дугаар курсыг орон нутагтаа суралцах боломжтой болгох юм.

Эрчим хүчний сайд та уламжлалт бус шинэ бодлогоор ажиллаарай. ЭХ-ний экспортыг анхаараарай. Эрчим хүчний нүүрсний орд их байгаа ч лиценз зарагдахаас илүү борлуулалтгүй болсон. Хил дагуу цахилгаан станц барьж зүүн ази руу экспортлох боломжтой гэж харж байна.

УУХҮ-ийн саалбарт нефть хоёрдугаар асуудал болж явдаг. Мөрийн хөтөлбөрт нефтийн үйлдвэртэй болохоор тусгасан. Үүнийг яаралтай удирдлагатай болгоорой. Сайн баг бүрдүүлээрэй.”