Ден Хааг дахь Олон улсын Эрүүгийн шүүхийн дөрвөн ажилтан өнгөрсөн лхагва гарагт Ливид баривчлагдсан байна. Тэд тус улсын эрх баригч асан Муаммар аль-Каддафигийн хоёр дахь хүү болох Сайф аль-Исламтай уулзахаар явж байсан гэнэ. Одоогоор дээрх дөрвөн ажилчны баривчлагдсан шалтгаан тодорхойгүй байгаа юм. Харин Ливийн мэдээллийн агентлаг Solidarity Press -ийн мэдээгээр "Олон улсын Эрүүгийн шүүхийн ажилтнууд Каддафигийн хүүтэй уулзсаны дараа баривчлагдсан. Учир нь тэд сэжигтэй баримт бичгийг авсан" хэмээжээ. Олон улсын Эрүүгийн шүүхийн ерөнхийлөгч Сан-Хюн Сон дээрх дөрвөн ажилтанг яаралтай суллахыг шаардсан байна. Тэрбээр "Бид ажилтнуудынхаа аюулгүй байдалд санаа тавих болно. Ливийн албаныхнаас манай төлөөлөгчдийг аль болохоор хурдан суллахыг шаардаж байна" хэмээн мэдэгдээд эл байд­лыг яаралтай шийдвэрлэж, өөрсдийн хамтын ажиллагаагаа тогтвортой байлгана гэдэгт найдаж буйгаа илэрхийлжээ.