УИХ-ын гишүүн О.Саранчулууны санаачилгаар эхлүүлж буй “ГЭРЭЭСЭЭ ГАРЦГААЯ” аяны хүрээнд УИХ-ын гишүүн О.Саранчулуун, Ж.Баясгалан, Нийслэлийн Засаг дарга Х.Нямбаатар болон хөгжлийн бэрхшээлтэй иргэдийн төлөөлөл хотын төвийн зарим зам, гүүр, орц, гарц дээр туршилт хийж байна. ХБИ бусдын туслалцаагүйгээр чөлөөтэй зорчих, нэвтрэх боломжийг бүрдүүлэхийн төлөө төр, хувийн хэвшлийнхэн хамтран ажиллахаас гадна нийгмийн, тэр дундаа үйлчилгээний байгууллагын ажилтнуудын сэтгэлзүйг бүрдүүлэх шаардлагатайг ХБИ онцолж байна.