УИХ-ын чуулганы /2025.04.03/-ны өдрийн хуралдаанаар Монгол Улсын Ерөнхий сайдаас Улсын Их Хуралд ирүүлсэн Авлигатай тэмцэх газрын дарга З.Дашдавааг улируулан томилуулах тухай саналыг хэлэлцлээ.

Хэлэлцэж буй асуудалдтай холбогдуулан гишүүд мэдээлэл өгч, үгээ хэллээ.

УИХ-ын гишүүн П.Сайнзориг:

Авлигын төсөөллийн индекс муу байгаа нь ЗГ болон УИХ ажлаа муу хийж байгааг илтгэнэ. Улс төрийн намын санхүүжилтийн тухай хууль, Төрийн өмчит компанийн засаглалын асуудал, Тендер худалдан авалтын тухай хууль, Шүгэл үлээгчийн эрх зүйн хуулийг батлалж байж авлигын асуудалд ахиц гарна. Сүүлийн 30 жил ТЭЦ-4 зэрэг нийгмийн суурь болсон дэд бүтцүүдэд хөрөнгө оруулалт хийгээгүй. Дэд бүтцийн хүртээмжгүй байдал авлигын суурь шалтгаан болж байна. Дулаан цахилгаанд холбогдохын тулд эрх мэдэлтний үүдийг сахих, гарыг нь хүндрүүлэх үзэгдэл бий.

“Транспэрэнси Интернэшнл” 180 орны авлигын индексийг гаргахдаа 13 шалгуур үзүүлэлтэд үндсэлдэг. Манай улс 8-ыг нь хэрэглэдэг. Үүнд Дэлхийн Банкны эрсдэлийн үнэлгээ, Улс орнуудын эрсдэлийн үнэлгээ, Дэлхийн өрсөлдөх чадварын төвийн удирдах чадварын төсөөлөл, Хууль дээдлэх ёсны индекс зэрэг 8 үзүүлэлт бий. Хууль хяналтын байгууллагын оролцоо авлигын төсөөллийн индексийн 13 хувийг л эзэлдэг. Бусад нь макро ЭЗ, хууль эрх зүйн орчин, улс төрийн тогтвортой байдлын асуудлууд. Индексээ урагшуулахын тулд иргэдийн үндсэн эрх, эрх чөлөөг хамгаалах асуудлаа сайд шийдэх ёстой. Төрийн үйлчилгээ, бүтээмж, хууль дээдлэх ёсыг сайжруулах ёстой. Зөвхөн АТГ-аас шаардсанаараа авлига багасахгүй.